ஆரம்பகாலங்களில் கண்பார்வைக்குறைபாடு உடையர்கள் அதை நிவர்த்தி செய்வதற்காக மூக்குக்கண்ணாடிகளை அணிந்தார்கள். காலப்போக்கில் நவநாகரிகம் என்று கூறிக்கொண்டு அழகுக்காகவும் அணிந்தார்கள். ஆனால் தொழில்நுட்பவியலாளர்கள் ஒருபடி மேலே சென்று இந்த மூக்குக்கண்ணாடிகளையும் இலத்திரனியற்சாதனமாக மாற்றிவிட்டார்கள்.
இதனடிப்படையில் தற்போது அறிமுகப்படுத்தப்பட்டுள்ள கண்ணாடியை அணிந்தவாறு பார்க்கும் காட்சிகள், பொருட்கள் என்பனவற்றை அதில் பொருத்தப்பட்டுள்ள உயர் திறன்கொண்ட வீடியோ கமெரா மூலம் 1080 பிக்சல்களில் பதிவு செய்ய முடியும். இதுதவிர அதில் பொருத்தப்பட்டுள்ள 8 மெகாபிக்ஸல் கொண்ட கமெரா மூலம் புகைப்படங்களை எடுக்கக்கூடியதாக காணப்படுவதுடன் 44.1 kHz அதிர்வெண்ணுடன் இயங்கக்கூடிய நுனுக்குப்பன்னியும்(microphone) காணப்படுகின்றது.
இன்மூலம் 720 பிக்சல் அல்லது 1080 பிக்சலில் பதிவு செய்யப்படும் வீடியோவானது செக்கனுக்கு 30 பிரேம்கள் என்ற வேகத்தில் பதிவாகுவதுடன் 720 பிக்சலில் பதிவு செய்யும் போது செக்கனுக்கு 60 பிரேம்கள் என்று மாற்றக்கூடிய வசதியும் காணப்படுகின்றது.
